منتدى ضع بصمتك

اسعد الله اوقاتك بكل خير..
يسـعدنآ ويشرفنـنآ انضمامك الينا Smile
مميزات ستحصل عليها
*جائزة عند وصول مشاركاتك الى الرقم 900 مشاركهSmile
* اعطائك الاشراف على احد الاقسام دون اي شروط وفورا عند طلبكSmile
* ستستمتع بوجودك معنا لاننا نثقق في مواضيعنا Smile

فقط 4 خانات وستصبح عضو معنا
وسجل و ستصلك رساله التفعيل الى الإيميل

اضغط كلمه تسجيلv
منتدى ضع بصمتك

مناظرات . نصائح . حوار عقائد واديان . ثقافه ... الغرض من المنتدى ان يبقى لنا اثر اذا رحلنا نكون ماجورين عليه. علما ان المنتدى لا يتبع لاي شخص ولا برنامج


    عيدي بشعر

    شاطر
    avatar
    رضاك ربي والجنة مطلبي
    Admin
    Admin

    عدد المساهمات : 233
    نقاط : 70629
    السٌّمعَة : 1
    تاريخ التسجيل : 23/08/2010
    العمر : 23
    الموقع : http://footprint.yoo7.com/forum.htm

    عيدي بشعر

    مُساهمة من طرف رضاك ربي والجنة مطلبي في 2010-09-13, 03:07

    أقول في نفسي وأنا أعايد الناس
    متى بشوفك تكمل أفراح عيدي

    أجامل وربي عليم ٍ بالإحساس
    وشهو شعوري وأنت عني بعيدي


    اللي خذاني لك على سهو هوجاس
    حسيت نفسي وسط ربعي وحيدي

    لو حسوا بما بي يقولون لاباس
    بدال قولة على عيدك سعيدي

    لاصرت عندي وقتي أعياد وأعراس
    حتى ولو إني وسط سجنٍ حديدي

    عاشرت خلان وتخالطت بأجناس
    محدٍ سواك أهديته القلب بيدي !!

    من تحت ما طا الرجل لي هامت الراس
    كلش هويته فيك والله شهيدي

    لقيت بك ذوقي وأنا قاطع الياس
    ومعك بدا يحيا الأمل من جديدي
    ،



    عيدك مبارك صاحبي وين ماكنت
    يزف لك نبض الخفوق التهاني

    عيدك مبارك كثر مابي تمكنت
    كثر الغلا اللي بالضلوع المحاني

    او كثر مافي فرحة العيد حزنت
    وارخيت لجيوش العذاب العناني

    يوم التفت وشفت ماغايب الا انت
    ضاق الوجود وكل هم غزاني
    ،



    ياعيد مالك نظرة في عيوني
    نسيتني مدري زماني نساني

    ماقدرت افراحك تعانق شجوني
    احزاني اكبر من كلام التهاني

    حاولت اجاري فرحتك واكشفوني
    لاجيت ابضحك ماستمرت ثواني


    ،



    الا يا دانة الدنيا عسى عمرك يعيش بخير
    عسى عيدك فرح يافرحة الدنيا ومافيها

    ابكتب لك شعر لكن اخاف يصير به تقصير
    ولا يطلع بقد الشوق وايامه وطاريها

    ابكتب لك شعر من راس صافي ما رضى تغيير
    مباديه القديمه راسيه ماهو مجافيها

    ابكتب لك شعر من قلب وافي صادق التعبير
    يترجم سر نفسٍ وضحت لك كل خافيها

    ابكتب لك شعر يرقص على لحنه جناح الطير
    يغرد يوم بانت له ليال الود وصافيها

    ابكتب لك شعر كله حروف محمله تقدير
    على كف الغلا يمك يا بنت الورد اوديها

    ابكتب لك شعر فاق بحضوره حرفة التصوير
    على متن السحابه ينظر عيونك وناويها

    ابكتب لك شعر لكن قصيدي خانه التعبير
    الا وشلون يقدر ينظر عيونك ويوفيها

    ،



    على كثر اتصالات الخلايق في صباح العيد
    انا والله ما كنت آتحرّى غير جوّالك

    تحريت إتصالك إنت يالغالي وبالتحديد
    لأن العيد ما اظنه يجي وما جيت في بالك

    تصور كيف مر العيد من تنكيد في تنكيد
    وانا ما غير اهوجس بك وانادي وآتحرّالك

    وجوّالي غدا مثلي تنهّد واكثر التنهيد
    يقول: ابطى عليك.. وقلت: اكيد العلة ارسالك

    وقمت اكذب على نفسي واقول بصيغة التأكيد
    اكيد الحين بتكلم وانا ادري ما طرينالك

    على ما يبدو اني كنت عن بالك بعيد ابعيد
    حرام ارجوك صدقني انا ما استاهل افعالك


    جفاك اليوم قيّدني تعال وفكّ هذا القيد
    كلّمني وعايدني وقلّي.. إنت وش حالك

    ياليت العذر (فاتورة) عليك بحاجة التسديد
    أخاف العذر هي قولة: نسيته رقم جوالك

    ،



    العيد صبحك والهدية حضورك
    ياللي بشوفك يصبح العيد غاية

    يشتاق فجر العيد ريحة بخورك
    وأشتاق قولك: (عيد وأنتِ معايه)

    ألبس وأغير وأتخيل شعورك
    وأمشط وأطيب ما هجرت المرايه

    تشرب ثيابي العطر لحظة ظهورك
    وأسكر بعطرك لا تخلل هوايه

    أروح وأرجع أتحرى مرورك
    أفلّ شعر القلب وأضفر شقايه

    أردد أبياتك , وأقطع بحورك
    أبغى التفوق في الغلا ياغلايه

    الله يوم أشرق على القلب نورك
    أجهر حروفي ,دسّ شعري ورايه

    تفتح بشوفك في خدي زهورك
    تبي تحس في نظرتك بالرعاية

    كلي أمل أحظى ابسمة سرورك
    وأقرأ في وجهك ما يسطر هنايه


    ،


    العيد ما هو يوم واحد ب شوال
    العيد يا عذب الكلام ب وجودك

    العيد فرحة شايب وبنت واطفال
    العيد مركب ما رسى في حدودك

    العيد ذكرى فيه لمحات لأجيال
    العيد دعوة حب لأول جدودك

    العيد غاده لوعت قلب رجال
    العيد رجل ٍ ذاق حالي وعودك

    العيد طفله جايره مترفة حال
    العيد طفله عايشه في جمودك

    العيد دمعة طفل والجوع قتال
    العيد طفل باكي ٍ من جحودك

    العيد يا ورد ٍ نبت ب اشهب الال
    العيد رشة من عطر في خدودك

    العيد فيه الحظ مايل ولا مال
    العيد انسى شوي اخر صدودك

    العيد آمال بنا حلمها فال
    وكل الأمل عيد ٍ سعيد ووجودك


    ___________________________________________________
    avatar
    احب ربي ورسولي

    عدد المساهمات : 12
    نقاط : 66175
    السٌّمعَة : 10
    تاريخ التسجيل : 01/10/2010

    رد: عيدي بشعر

    مُساهمة من طرف احب ربي ورسولي في 2010-10-01, 06:07

    الله يعطيك العافيه

    الدآعي الى اللهـ
    Admin
    Admin

    عدد المساهمات : 100
    نقاط : 77109
    السٌّمعَة : 1
    تاريخ التسجيل : 20/08/2009
    الموقع : www.b9mh.yoo7.com

    رد: عيدي بشعر

    مُساهمة من طرف الدآعي الى اللهـ في 2011-02-10, 03:36

    صح لسانك
    avatar
    sweed bif baf
    Admin
    Admin

    عدد المساهمات : 18
    نقاط : 62008
    السٌّمعَة : 10
    تاريخ التسجيل : 18/03/2011
    العمر : 23
    الموقع : yemen

    رد: عيدي بشعر

    مُساهمة من طرف sweed bif baf في 2011-03-18, 07:28

    يعطيك الــف عااافيه ^_^
    avatar
    رضاك ربي والجنة مطلبي
    Admin
    Admin

    عدد المساهمات : 233
    نقاط : 70629
    السٌّمعَة : 1
    تاريخ التسجيل : 23/08/2010
    العمر : 23
    الموقع : http://footprint.yoo7.com/forum.htm

    رد: عيدي بشعر

    مُساهمة من طرف رضاك ربي والجنة مطلبي في 2011-03-18, 19:51

    جزاك الله خير ع المرور
    ابغى اشوف مواضيعكم
    بإنتظارها


    ___________________________________________________

      الوقت/التاريخ الآن هو 2017-12-13, 20:49